NJOFTIM ZYRTAR – ZBATIMI I DETYRIMEVE SIPAS STATUTIT TË FSHBS-së

Të nderuar anëtarë dhe kandidatë për anëtarësim,

Në zbatim të politikave shtetërore në fushën e sportit dhe në përmbushje të kërkesave të Ministrisë së Arsimit dhe Sportit (MAS), të riafirmuara me email-in datë 22.04.2025, si dhe në përputhje me Statutin dhe procedurat e brendshme të Federatës Shqiptare të Bilardos dhe Snookerit (FSHBS), ju rikujtojmë rëndësinë e respektimit të plotë të detyrimeve statutore që lidhen me statusin e anëtarësisë në federatë.

Afati i fundit për përmbushjen e këtyre detyrimeve është data 10.05.2025.

Kjo procedurë është detyrim ligjor dhe statutor, për të garantuar integritetin, transparencën dhe funksionimin korrekt të strukturës sonë federative.

Detyrimet përkatëse janë si më poshtë:

1. Dorëzimi i dokumentacionit të përditësuar në sekretarinë e FSHBS-së:

Ky detyrim aplikohet për:

• Çdo klub shumë-sportësh që është aktualisht anëtar provizor dhe kërkon të kalojë në anëtarësi me të drejta të plota;
• Çdo klub shumë-sportësh apo shoqatë e re që dëshiron të anëtarësohet në FSHBS;
• Çdo shoqatë anëtare ekzistuese që duhet të përditësojë dokumentacionin e saj.

Dokumentacioni sipas nenit 4 të Statutit përfshin:

• Kopje të Vendimit të Gjykatës për regjistrimin si person juridik (sipas nenit 21 të Ligjit nr. 79/2017 “Për Sportin”, i ndryshuar);
• Kopje të vlefshme të statuteve dhe rregulloreve të vërtetuara ligjërisht (nëse ka);
• Deklaratë angazhimi për veprim në përputhje me statutin, rregulloret dhe vendimet e FSHBS-së, duke garantuar zbatimin e tyre nga të gjithë anëtarët, zyrtarët dhe lojtarët (nëse aplikohet);
• Deklaratë për respektimin e Ligjeve të Lojës;
• Deklaratë që vërteton regjistrimin dhe ekzistencën e selisë në territorin e Republikës së Shqipërisë;
• Deklaratë që garanton pavarësinë ligjore të strukturës nga ndikime të jashtme apo politike.

Dokumentacioni duhet të dorëzohet:

• I skanuar në adresën e sekretarisë: info@fshbs.al;
• Kopjet origjinale në adresën zyrtare të FSHBS.

2. Pagesa e kuotizacionit vjetor për çdo sportist:

• Shuma: 3,000 (tremijë) lekë;
• Llogaria bankare:
  • Banka: CREDINS BANK
  • Titullari: FEDERATA SHQIPTARE E BILARDOS DHE SNOOKERIT
  • IBAN: AL67 2121 1009 0000 0000 0210 2593
• Përshkrimi i pagesës: Pagese kuotazioni vjetor për lojtarin (Emër, Atësi, Mbiemër).

Kujdes!
Çdo lojtar që nuk kryen pagesën e kuotizacionit vjetor brenda datës 20.05.2025, NUK do të lejohet të marrë pjesë në Kampionatet Kombëtare.

3. Zbatimi rigoroz i rregulloreve të FSHBS-së:

• Të gjithë anëtarët janë të detyrueshëm të lexojnë dhe të zbatojnë me përpikmëri të gjitha rregulloret e publikuara në faqen zyrtare:

https://fshbs.al/rregulloret/

Ky njoftim është një thirrje zyrtare për përmbushjen e detyrimeve ligjore dhe statutore që garantojnë funksionimin demokratik dhe transparent të federatës sonë. Mosrespektimi i këtyre afateve dhe detyrimeve do të çojë në pezullimin e të drejtave të anëtarësisë ose mospranimin në kampionatet zyrtare.

Me respekt,
Sekretariati i Përgjithshëm
FEDERATA SHQIPTARE E BILARDOS DHE SNOOKERIT